Aelodaeth

Nod aelodaeth CaSP Cymru yw bod mor gynhwysol â phosibl gan sicrhau cynrychiolaeth briodol gan bawb sydd â diddordeb yn ardal forol Cymru (cymunedau a phartneriaethau arfordirol, yr amgylchedd, llywodraeth leol, hamdden a gweithgarwch hamddena, a sectorau busnes e.e. ynni a physgota).

1. Aelodau'r Bartneriaeth Graidd

Mae'r Bartneriaeth Graidd yn cynnwys y sefydliadau hynny sydd â rôl genedlaethol, cylch gwaith Cymru gyfan neu arbenigedd cydnabyddedig yn y sector morol ac arfordirol.

Mae'r dull yma o weithredu’n helpu i gynnal aelodaeth gytbwys a chynrychioliadol y mae posib ei rheoli.

Mae'r sectorau sy’n cael eu cynrychioli’n cynnwys:

• Dyframaeth
• Agregau a diwydiannau gwely'r môr
• Partneriaethau cymunedol arfordirol
• Pysgota a threftadaeth forol
• Cyrff cadwraeth natur a bioamrywiaeth
• Porthladdoedd a llongau
• Hamdden a gweithgarwch hamddena
• Ynni morol ac ynni adnewyddadwy
• Twristiaeth
• Cyrff cyhoeddus, prifysgolion, ac adrannau Llywodraeth Cymru

Mae Cylch Gorchwyl a manylion cyswllt y Bartneriaeth Graidd i'w gweld yma.

2. Cyfranwyr Ehangach: Grwpiau Gwaith

Ni fydd pob sefydliad yn bodloni'r meini prawf ar gyfer y Bartneriaeth Graidd. Fodd bynnag, mae llawer o grwpiau a sefydliadau eraill yn cymryd rhan drwy ein Gweithgorau:

Mae Cynghrair Llythrennedd Cefnforoedd Cymru yn dod â mwy na thri deg o sefydliadau at ei gilydd i helpu i gyflawni Strategaeth Llythrennedd Cefnforoedd Y Môr a Ni.

Mae’r Gweithgor Buddsoddiad Glas yn datblygu’r strategaeth a’r cynllun gweithredu ar gyfer cyllid glas yng Nghymru.

Mae'r Gweithgor Meithrin Capasiti Arfordirol yn cefnogi capasiti a datblygu sgiliau ar draws cymunedau arfordirol.

Mae'r Grŵp Arbenigol Bioamrywiaeth Forol yn cynghori ar fioamrywiaeth, monitro ac anghenion tystiolaeth.

Mae'r grwpiau hyn ar agor i ystod eang o bartneriaid, gan gynnwys mentrau lleol, grwpiau cymunedol, arbenigwyr academaidd, a sefydliadau’r sector sydd ddim yn gweithredu ar raddfa genedlaethol efallai.

Sut Gallwch Chi Gymryd Rhan

Mae sawl ffordd i gymryd rhan yn CaSP Cymru:

Ymuno â'r Bartneriaeth Graidd

Gall sefydliadau sydd â dylanwad dros Gymru neu arbenigedd cenedlaethol gyflwyno Mynegiant o Ddiddordeb.

Cymryd Rhan mewn Gweithgorau

Mae croeso i sefydliadau ehangach ymuno â'n gweithgorau.

Ymuno â'n Rhestr Ddosbarthu 

Gall unrhyw sefydliad neu unigolyn sydd â diddordeb yn arfordiroedd a moroedd Cymru ymuno â'n rhestr bostio ehangach i dderbyn y wybodaeth ddiweddaraf, cylchlythyrau, gwahoddiadau, a chyfleoedd i gymryd rhan mewn arolygon ac ymgynghoriadau.

Cysylltwch â ni gan ddefnyddio'r manylion ar y Dudalen Cysylltu.